#Kubi

Biden mban takimin e parë me një lider të huaj

Përditësimi i fundit: 24/02/2021 - 22:49
Text size Aa Aa

Presidenti i Shteteve të Bashkuara, Joe Biden, ka biseduar me kryeministrin e Kanadasë, Justin Trudeau. Megjithëse bashkëbisedimi u bë në mënyrë virtuale, si pasojë e pandemisë së covid-19, theksojmë se ky ka qenë edhe takimi i parë dypalësh i administratës së re të Shteteve të Bashkuara të Amerikës me një udhëheqës të huaj.

Gjëja e parë që presidenti amerikan ka cilësuar është se Shtetet e Bashkuara nuk kanë asnjë mik më të afërt sesa Kanadaja.

“Kjo është arsyeja pse thirrja ime e parë e drejtëpërdrejtë si president dhe takimi im i parë dypalësh ishte me kryeministrin e Kanadasë.” – u shpreh presidenti Joe Biden.

Një nga temat që u dikutua ishte pikërisht pandemia e COVID-19.

Në këtë kuadër kryeministri i Kanadasë, Justin Trudeau, u zotua se do të punojë me Shtetet e Bashkuara të Amerikës për të kapërcyer situatën e COVID-19.

Të dy udhëheqësit theksuan edhe përparësitë e politikës së ndërsjellë lidhur me ndryshimet e klimës. 

Si kryeministri I kanadasë, por edhe presidenti Joe Biden, u zotuan për të punuar së bashku në arritjen e zero emetime deri në 2050.  

Ndërkohë u diskutua edhe një çështje tjetër, ku Joe Biden tha se Shtetet e Bashkuara do të ndihmonin Kanadanë të siguronte lirimin e dy Kanadezëve të burgosur nga Pekini që më 2018, nën akuzat për spiunazh.

Udhëheqësit nuk morën pyetje nga gazetarët, gjë që është e pazakontë në Uashington për një ngjarje bilaterale si kjo.

Tregime të lidhura