#Kubi

Nominohet për Oscar filmi për gjenocidin në Srebrenicë

Përditësimi i fundit: 17/03/2021 - 07:29
Text size Aa Aa

Akademia amerikane e Filmit ka njoftuar se “Quo Vadis, Aida?” (2020), film i regjisores nga Bosnje e Hercegovina, Jasmilla Zhbaniç, u nominua për Çmimin Oscar, në kategorinë për ‘filmin më të mirë jashtë botës anglishtfolëse’.

Theksojmë se filmi flet për gjenocidin në Srebrenicë dhe është i pari me metrazh të gjatë që trajton këtë tematikë.

Ngjarja zhvillohet në korrik të vitit 1995 dhe personazhi kryesor është Aida, një përkthyese për Kombet e Bashkuara, e cila përpiqet të shpëtojë familjen e saj, pasi ushtria e Republikës Sërpska merr kontrollin e Srebrenicës.

Regjisorja e filmit, Jasmilla Zhbaniç, thotë se “Quo Vadis, Aida?” bazohet në fakte reale, tek të cilat ajo ka arritur duke lexuar dëshmi dhe libra, duke parë video, si dhe duke biseduar me ekspertë dhe dëshmitarë.

Këto të dhëna përfshijnë për shembull se në viti 1995 forcat serbe të Bosnjës kanë vrarë mbi 8.000 burra dhe djem myslimanë në Srebrenicë.

Ndërkohë theksomë se Çmimet Oscar do të ndahen në datën 25 prill.

Bosnje e Hercegovina tashmë ka fituar një Oscar me filmin “Toka e askujt”, të regjisorit Danis Tanoviq, i cili në vitin 2001 është shpallur filmi më i mirë i huaj.

Tregime të lidhura