Politikë

Burime për Euronews Albania, Rama niset sot për vizitë në Turqi

Përditësimi i fundit: 24/03/2021 - 14:34
Text size Aa Aa

Burime për Euronews Albania bëjnë me dije se kryeministri Edi Rama do të niset sot drejt Turqisë për një vizitë njëditore.

Bashkë me të do të jenë edhe ministrat Arben Ahmetaj dhe Ogerta Manastirliu, të cilët ditën e djeshme u autorizuan nga Kuvendi për të negociuar me kompani distributore për vaksina anti-COVID.

Vizita e kreut të qeverisë dhe dy ministrave duket se lidhet pikërisht me marrëveshjen me kompaninë turke “Keymen Ilaç Sanayive Ticaret”, teksti i së cilës u miratua pas botimit ditën e martë në Fletoren Zyrtare.

Marrëveshja, e cila pritet të sjellë në shqipëri vaksinat kineze Sinovac, nuk ka ende të saktësuar sasinë e dozave që do të marrë.

Për këtë zëvendësministrja e Shëndetësisë, Eugena Tomini tha gjatë një deklarate për shtyp pas mbledhjes së Komitetit Teknik të Ekspertëve se “ende nuk është saktësuar sasia e plotë” dhe se “kjo do të vendoset brenda ditës”.

“Jemi në përfundim të hartimit të kontratës definitive, për ta hartuar deri në orët e vona të ditës së sotme, në momentin e duhur do t’ju bëjmë me dije për sasinë dhe elementët e kontraktimit,” – tha Tomini, teksa gjatë së mërkurës ministrja Manastirliu deklaroi për mediat se një sasi vaksinash kineze pritet të vijnë në Shqipëri javën e ardhshme.

Lexoni gjithashtu:

Presidenti Macron paralajmëron rrezikun e ndërhyrjes nga Turqia në zgjedhjet presidenciale

Rama nga Franca: S’jam njeriu i duhur për të ndërmjetësuar Kosovën me Serbinë

Tregime të lidhura